Alaman Ақпарат 08 Ақпан, 2019 (0) (207)

Алматылық спорт нұсқаушылары Бауыржан Байбекке ашық хат жазды

Алматыда 2017 жылы бастауын алған «Спорт менің ауламда» әлеуметтік жобасы жабылды. Осы себепті 100-ден астам нұсқаушылар (жаттықтырушылар) жұмыссыз қалды. Олар Алматы қаласының әкімі Бауыржан Байбекке ашық хат жазды.


«Біз,«Спорт менің ауламда» жобасының нұсқаушылары, сізге  бағдарламаның  келешегіне қатысты жағдайды БАҚ өкілдері және әлеуметтік желі арқылы хабарлауға  мәжбүр болдық», - делінген хатта. Нұсқаушылар әкімге   жобаның жабылуының себебін спорт басқармасының қасақана және көзге көрінбейтін саясаты болды деп ашық  айтты.

«Толыққанды жобаны алмастыру туралы шешімді тағы да қалай түсіндіруге болады, ол екі жыл ішінде сәтті жүзеге асырылды. Өкінішке қарай,  шындық осы», - деп түсіндірді жобаның қызметкерлері. Сонымен қатар, бағдарлама Қазақстан президенті Нұрсұлтан Назарбаевтың тапсырмасы бойынша (Қазақстан Президентінің Қазақстан халқына 2018 жылғы 5 қазандағы жолдауынан) толығымен орындалды.

«Президенттің жолдауы тақырыбына оралсақ,  2019 жыл  Қазақстанда  Жастар жылы  болып аталды.  Жастар жылында  біз 100-ден астам жас маман жұмыссыз  қалып отырмыз», - деп жазады нұсқаушылар. Сонымен қатар, 2018 жылы  бағдарлама аясында  нұсқаушылар үшін 100-ден астам жұмыс орны ашылған болатын. Барлық  қызметкерлер  - жас түлектер мен мамандандырылған факультеттердің студенттері.

«Қазіргі уақытта, бізді, жас мамандарды тек қана табыс көзінен  ғана емес, біз  жақсы көретін ісімізден және екі жыл бойы тәрбиелеген балаларымыздан айырды», - делінген ашық хатта. Бұдан басқа, бірінші әлеуметтік спорттық жобаның нұсқаушылары қала тұрғындары мен қонақтарына үлкен қызығушылық тудырып, балалар мен жасөспірімдерді ауладағы спорт алаңдарындағы күнделікті іс-шараларға тарту үшін көп жұмыстар атқарды.

«2018 жылы қаланың 150  ауласында  біз аулалар, аудан және қала форматында жарыстар өткіздік.  Барлығы 3 472 түрлі спорт түрлеріне 68 331 жасөспірім қатысты. Сонымен қатар, 805  шеберлік сабақтары өткізілді (ұлттық спорт, футбол және далалық хоккейде), онда 11 мыңнан  бала шеберліктерін  шыңдады», - дейді нұсқаушылар. Жаңалықтар порталдарының, блоггерлердің және тұрғындардың қызығушылығына қарамастан, осы іс-шараларды  спорт басқармасының қызметкерлері  елемеді.

«30-қаңтарда Спорт басқармасы  мемлекеттік сатып алу порталында хабарландыру жариялады, ол көптеген сұрақтар тудырады. Бұл спецификацияның талаптарында ауланың спорт алаңдарында белсенді демалыс өткізу ерекшелігі  ескерусіз қалды. Жеке талаптар өте жоғары немесе іс жүзіндегі жағдайға сәйкес келмейді. «Спорт менің ауламда » атауы қызметтің атауынан алынды, бұл танымал бренд, - деп жазады қызметкерлер.

Мұның бәріне сүйене отырып, нұсқаушылар келесі қорытындыға келді: «Осыған байланысты аулалық спортты дамытуға бағытталған екі жылдық күш-жігеріміз енді қоқысқа лақтырылды деп қорытынды жасауға мәжбүрміз».

Хаттың соңында олар: «Құрметті Бауыржан Қыдырғалиұлы, сіз қаланың тұрғындарымен кездесулерде бірнеше рет «Спорт менің ауламда»  жобасының кеңейтілетінін және 2020 жылға қарай қаланың 600 ауласын қамтитынын айтқан болатынсыз. Қазіргі кезде біз қандай көріністі көріп отырмыз? Жоғарыда айтылғандарға сүйене отырып, осы мәселеге жеке назар аударуыңызды сұраймыз. Ағымдағы жағдайды шешуге  қол ұшыңызды беруіңізді сұраймыз. Осының арқасында  біз жұмысымызды жалғастыруға және «Спорт менің ауламда» бағдарламасын   қаламыздағы күшті дене шынықтыру және спорт қозғалысына айналдыруға мүмкіндік беретініне сенімдіміз», - дейді нұсқаушылар. Бағдарламаның басты мақсаты - 17  жасқа дейінгі балалар үшін бапкермен бірге, өздері қалаған спорт түрімен өз аулаларында айналысуға мүмкіндіктер жасайды.


Ұқсас жаңалықтар

Пікір қалдыру