Бокс 04 Қараша, 2018 (0) (24)

Cерік Қонақбаев: Олимпиадалық арман жолында күресті жалғастырамын

Дауыс беру 3 қарашада Мәскеудегі AIBA конгресінде өтті. Онда Серік Қонақбаев 48 дауысқа ие болса, оның қарсыласы, Өзбекстан өкілі Гафур Рахимов 134 дауыстың 86-ін жинап, 2022 жылға дейін AIBA басқару құқығына ие болды.

Cерік Қонақбаев: Олимпиадалық арман жолында күресті жалғастырамын- Әрине, менің нәтижеден көңілім қалды, бірақ мен спортты жақтаймын және Олимпиада боксының болашағы үшін, бүкіл әлем бойынша боксшылардың олимпиадалық армандарын жүзеге асыру үшін күресті жалғастыруға уәде беремін. 

Мен өз науқанымда айтқандай, бұл боксты құтқаруға көмектесетін реформалардың соңы емес, басы. Біз күресті тоқтатпаймыз. Бірінші кезең аяқталды, енді екінші кезең басталады. Маған қолдау көрсеткендерге, әсіресе қазақстандықтарға алғысымды білдіремін. Біз бірге боксты тағы да ұлы ете аламыз!,- деді Қонақбаев. 

Халықаралық Олимпиада комитеті AIBA Президентін сайлау қарсаңында Рахимовтың кандидатурасы ұнамайтынын және Өзбекстан өкілі сайланған жағдайда бокс олимпиадалық бағдарламадан шығарылуы мүмкін екенін бірнеше рет түсіндіруге тырысқан. Сонымен қатар, ХОК AIBA – ны қаржыландыруды тоқтатады- кейбір мәліметтер бойынша Халықаралық Олимпиада комитетінен түсетін түсімдер бокс қауымдастығы бюджетінің шамамен 60% - ын құрайды.


Ұқсас жаңалықтар

Пікір қалдыру