Жекпе-жек 17 Қазан, 2018 (0) (44)

Дана Уайт Хабиб Нурмагомедовтың UFC - дегі тағдыры жайлы пікірін айтты

UFC ұйымының басшысы Дана Уайт ресейлік спортшы Хабиб Нурмагомедовтың абсолют жекпе-жек чемпионатында өнер көрсетуін жалғастыра беретінін мәлімдеді, - деп хабарлайды Alaman.kz тілшісі Ria.ru сайтына сілтеме жасап.

6 қазанда Лас-Вегаста Нурмагомедов Макгрегорды төртінші раундта жеңіп, жеңіл салмақтағы UFC чемпиондық белбеуін сақтап қалды. Жеңіске жеткен Хабиб Нурмагомедов октагоннан секіріп өтіп, ирландиялықтың жақтастарының біріне шабуыл жасады, алаңға қайтып келгенінде тағы бір төбелес шықты. Қазіргі уақытта Невада штатының Атлетикалық комиссиясы осы дерекке қатысты тергеу жүргізіп жатыр. Кейінірек Нурмагомедовты осы қылығы үшін - гонорарынан айырып, дисквалификацияға ұшырауы мүмкін екені айтылды. UFC ұйымының басшысы ресейлік спортшыны чемпиондық белбеуінен айырмайтынын мәлімдеді. Алайда UFC Нурмагомедовтың командасындағы Зубайра Тухуговтың төбелеске қатысқаны үшін ұйымнан шығарылатыны хабарланды. Осыған жауап ретінде Нурмагомедов те ұйымнан кететінін жариялады. "Бізде барлығы да дұрыс. Хабибпен қарым-қатынасымыз дұрыс. Оның келесі қарсыласы кім болатынын әзірге білмеймін. Бұл туралы әлі сөйлеспедік, кейін осы мәселені шешеміз. Хабиб UFC-де қала береді. "Тухугов? Онымен не болатынын әзірге білмеймін", - дейді Уайт 

Дереккөз: Tengrinews.kz

Сурет: Vesti.ru


Ұқсас жаңалықтар

Пікір қалдыру