Бокс 12 Қыркүйек, 2018 (0) (37)

Головкиннің бапкері "Канелоны" нокаутқа түсіретін арнайы әдіс ойлап тапты

Оның сөзінше, Головкин бұл соққыға арнайы жаттығып келді.

Орта салмақта WBC, WBA (Super) және IBO чемпионы қазақстандық Геннадий Головкиннің (38-0-1, 34 КО) бапкері Абель Санчес мексикалық Сауль "Канело" Альвареспен (49-1-2, 34 КО) қарымта жекпе-жекке дайындаған жоспарымен бөлісті.

Қарымта кездесу Лас-Вегаста өтеді. 14 жыл бұрын Бернард Хопкинс бауырдан соққы жасап, Оскар Де Лахойяны (Альварестің промоутері) нокаутқа түсірген болатын. Санчестің сөзінше, 15 қыркүйекте адамдар ауысқанымен, бұл оқиға қайталанады. 

"Жақында сол жекпе-жекті қайта қарап шықтым, Бернардтың бауырға тамаша соққымен Оскарды тоқтатып тастағанын. Әдетте жекпе-жекке деген жоспарларымды ашпаймын, бірақ, бұл жолы еш қауіпсіз айтайын. Геннадий осы тәсілге арнайы жаттықты және оны "Канелоға" қолданады. Оны "Сары шертпек" (The Ginger Snap) деп атадық. Тамаша атау деп ойлаймын. Оскарды жеңіп, барлық белбеуді жинаған Хопкинстің рекордын соққы арқылы жаңартамыз. 

Көреміз, "Канело" тағы рингті айнала қашып, төрешілерден сый күтетін болар. Геннадий бауырдан соққы жасап, "Канелоның" "желін шығаруға" дайын. Головкин мексикалық сияқты жұдырықтаспайды, бұл рас. Оның стилі - филадельфиялық ескі мектептің стилі. Головкин сол бір классикалық соққымен "Канелоны" тоқтатып тастаса, таң қалмаңыздар - бұл сол бір күндерді еске салу болады. Оскарды алғаш нокаутқа түсірген Бернард болатын. Геннадий "Канелоны" нокаутқа түсіретін алғашқы боксшы болғысы келеді", - дейді Санчес BoxingScene басылымына берген сұхбатында. 

Еске салайық, Головкин мен Альварес 2017 жылы Лас-Вегастағы T-Mobile аренасында алғаш рет жұдырықтасқан болатын, алайда, ол кезде жеңімпаз анықталмады. 

Дереккөз; Vesti.kz/Сурет Getty Images

Ұқсас жаңалықтар

Пікір қалдыру