Alaman Ақпарат 03 Қыркүйек, 2018 (0) (148)

Стритболдан FІВА 3х3 Asia Quest Азия чемпионаты өтеді

7-9 қыркүйек күндері Елорда жұртшылығын орасан зор спорттық шоу күтеді. 

Осы үш күн аралығында Астана қаласында стритболдан FІВА 3х3 Asia Quest Азия чемпионаты өтеді. Аталған додаға әлемнің 13 елінен спортшылар қатысады. Барлық іс-шаралар «ЕХРО»-ға қарсы орналасқан «MEGA Silk Way» ОСО-ның маңындағы алаңда ұйымдастырылады.   

Стритболдан FIBA 3*3 Asia Quest Азия чемпионаты Азия құрлығындағы ең басты спорттық шара болып саналады. Турнирде жүзден жүйрік атанып, жеңіске жеткен қатысушы 13-14 қазан Малайзияның астанасында жалауын көтеретін World Tour Kuala Lumpur Masters 2018 халықаралық турнирінде бақ сынауға мүмкіндік алады. Астанада өтетін бұл байрақты бәсекеге Азияның алты өңірінде іріктеуден өткен әлемнің 13 елінен 130 спортшы қатысады деп күтілуде. Сынға түсетін 32 команданың бесуі Қазақстан өкілдері болып табылады. Аталған турнир әлемнің 10-нан астам елінде тікелей эфирде көрсетілетін болады.

Стритболдан Азия чемпионаты Қазақстан стритбол лигасы (SLK) мен Халықаралық баскетбол федерациясының (FIBA 3Х3) ұйымдастыруымен және Астана қаласы әкімдігінің тікелей қолдауымен өткізілгелі отыр. SLK қазіргі таңда елімізде стритбол мәдениетін дамытумен белсенді айналысып келе жатқан бірден-бір ұйым. 

Турнирдің басты ерекшелігі жүлде қорының 32,000 АҚШ долларын құрауы болып табылады.

«Аталған турнир біздің жастарға өз ісіне ұқыптылықпен қарай отырып, аянбай жаттығар болса, кәсіби спортшылар сияқты ойнауға болатындығын көрсетуге мүмкіндік береді. Біз қазақстандық спорт сүйер қауымның елімізде ойынның үздік деңегейін көрсете алатын нағыз стритбол шеберлерінен құралған командалардың барын көрсе дейміз», - дейді SLK атқарушы директоры Жомарт Асенканов.

Іс-шараның өтетін уақыты мен орны:  

7-9 қыркүйек, «EХРО» -ға қарсы «MEGA Silk Way» ОСО-ның алаңы . 

Анықтама және БАҚ аккредитациясы жөнінде төмендегі байланыс көздеріне хабарласуларыңыз сұралады:

Бақтылы Жүнүсова: +7 775 159 28 70

Талғат Қаиргельдинов: +7 701 500 0764

E-mail: baktyly93@bk.ru; talgat@bw.com.kz


Ұқсас жаңалықтар

Пікір қалдыру